Қишлоқ хўжалиги машиналари кафедрасида Айова штати университети, Техас аграр-техника университети (АҚШ), Ондокуз Майис университети ва Экологик қишлоқ хўжалигини ташкил этиш ассоциацияси (Туркия), Малайзия технологик университети (Малайзия), Ангел Кинчев номидаги Русен университети (Болгария), Россия давлат аграр университети – Тимирязев номидаги Москва қишлоқ хўжалиги академияси, Н.В. Рудницкий номидаги Шимолий-шарқий аграр илмий маркази ва Красноярск ўлкаси Фан ва техника уйи (Россия), М.Ауэзов номидаги Жанубий Қозоғистон университети ва Сейфулин номидаги Қозоғистон аграр техника университети олимлари билан биргаликда ўқув ва илмий-тадқиқот ишлари олиб бориш, конференция, семинар ва учрашувлар ташкил этиш бўйича ҳалқаро ҳамкорлик алоқалари йўлга қўйилган. Республикада фаннинг таълим ва ишлаб чиқариш билан интеграцияси  бўйича  Қишлоқ хўжалигини механизациялаш илмий-тадқиқот институти, Қишлоқ хўжалиги техника ва технологияларини синаш ва сертификатлаш маркази, “БМКБ-Агромаш” АЖ, “Ўзагросервис” АЖ, “ЎзКлаасагро” қўшма корхонаси, “Агрихим” қўшма корхонаси ва бошқа ташкилотлар билан ҳамкорликда ишлар амалга оширилмоқда.